ఫుల్లుగా మందు కొట్టేసింది. ఆపై రోడ్డుకెక్కేసింది. ఇంకేముంది… రచ్చరచ్చ చేసేసింది. ముంబైలో అర్థరాత్రి… తప్పతాగి… ఊగుతూ… తూలుతూ… ఓ మహిళ సృష్టించిన వీరంగం అది.
నడిరోడ్డుపై కనిపించిన ఏ ఒక్కరినీ ఒదలకుండా దుర్భాషలాడుతూ… నానా హంగామా చేసింది. చివరికి అడ్డు వచ్చిన పోలీసులని సైతం లెక్క చేయకుండా నోటికొచ్చినట్లు తిడుతూ… హల్చల్ చేసింది. ఆ సమయంలో పక్కనున్నవారు ఎంత వారించే ప్రయత్నం చేసినా వినిపించుకోలేదు.
నిషా నెత్తికెక్కి పోలీసులను, క్యాబ్ డ్రైవర్ను, చివరికి రోడ్డుపై వెళ్తున్న పాదచారులను ఇలా ఏ ఒక్కరినీ విడిచిపెట్టకుండా అందరినీ ఉతికి ఆరేసింది. కనిపించిన వారినందరినీ నోటికొచ్చిన బూతులు తిడుతూ… వారిపై చాలా దురుసుగా ప్రవర్తించింది.
ముంబైలో ఓ ప్రైవేట్ పార్టీ నుంచి అర్థరాత్రి పూట ఓ ముగ్గురు యువతులు తిరిగి వస్తున్నారు. వీరంతా కలిసి ఓలా క్యాబ్లో ప్రయాణిస్తున్నారు. సరిగ్గా ఆ సమయంలోనే ఇదంతా జరిగింది.
వారిలో విపరీతంగా మద్యం సేవించిన ఓ మహిళ రైడ్ సమయంలో క్యాబ్ డ్రైవర్పై దుర్భిషలాడింది. చివరికి ఆమె ఆ క్యాబ్ డ్రైవర్ను కూడా బయటకు నెట్టేసి, తనే సొంతగా కారును నడిపించింది.
తర్వాత కారు దిగి అటువైపుగా వెళ్తున్న పాదచారులందరిపై నోరు పారేసుకుంది. సమాచారం తెలుసుకున్న పోలీసులు అక్కడికి చేరుకొని వారించ బోయారు. దీంతో మరింత రెచ్చిపోయిన ఆ మహిళ సదరు లేడీ పోలీస్ అధికారిని సైతం కాలర్ పట్టుకుని బెదిరించింది. ఆమె అలా కోపంతో ఊగిపోతూ చేసిన రచ్చంతా క్యాబ్ డ్రైవర్ వీడియో తీస్తూ వచ్చాడు. దానిని సోషల్ మీడియాలో పోస్ట్ చేయగా… అది కాస్తా వైరల్ గా మారింది.
A thread of 11 videos, drunk girl abusing everyone including Police
Video 1 pic.twitter.com/SC4AGM7h5j— Kungfu Pande 🇮🇳2.0 (@pb3060) June 19, 2022
