అగ్నిపర్వత విస్ఫోటనం ద్వారా సృష్టించబడే అనేక ప్రక్రియలకి జపాన్ ప్రసిద్ధి. మొదటినుండీ జపాన్ లో అగ్నిపర్వాతాలు ఎక్కువ. అందుకే, ఇక్కడ అప్పుడప్పుడూ అగ్నిపర్వాతాలు విస్ఫోటనం చెంది లావా వెదజల్లుతూ తీర ప్రాంతాలను భయభ్రాంతులకి గురి చేస్తూ ఉంటాయి. ఈసారి కూడా ఓ భారీ అగ్నిపర్వతం విస్ఫోటనం చెందింది. దానివల్ల సరి కొత్త ద్వీపమే ఏర్పడటానికి దారితీసింది.
నివేదికల ప్రకారం, అక్టోబర్ 2023 చివరిలో జపాన్ లోని సముద్ర గర్భంలో ఇవోటో ద్వీపం సమీపంలో ఓ అగ్నిపర్వతం విస్ఫోటనం చెందింది. ఇది టోక్యోకు దక్షిణంగా 200 కి.మీ మేర కొత్త భూభాగాన్ని సృష్టించడానికి దారితీసింది. ఇది ఒగాసవారా ద్వీపం గొలుసు సమీపంలో ఏర్పడింది.
కొత్తగా ఏర్పడిన ఈ ద్వీపానికి ఇంకా పేరు పెట్టలేదు. అయినప్పటికీ, దాని కొలత ప్రకారం, ఇది సుమారుగా 100 మీ వ్యాసం కలిగి ఉంటుందని అంచనా. ఈ ద్వీపం ఫ్రీటోమాగ్మాటిక్ విస్ఫోటనాల ద్వారా ఆకారాన్ని పొందింది. సముద్రపు నీటితో శిలాద్రవం ప్రతిస్పందించినప్పుడు ఈ విస్ఫోటనాలు వాస్తవానికి ప్రేరేపించబడతాయి, దాని ద్వారా బూడిద మరియు ఆవిరి యొక్క పేలుడు విడుదలలు ఏర్పడతాయి.
ఈ విస్ఫోటనాలు దాదాపు 10 రోజుల పాటు కొనసాగాయి. ఇది నిస్సార సముద్రగర్భంలో అగ్నిపర్వత పదార్థాలు పేరుకుపోవడానికి దారితీసిందని, చివరికి సముద్ర ఉపరితలంపైకి చేరుకుందని నివేదికలు చెబుతున్నాయి.
దీనిని గతంలో ‘ఇవో జిమా’ అని పిలిచేవారు. ఇది రెండవ ప్రపంచ యుద్ధం యొక్క అత్యంత తీవ్రమైన యుద్ధాలకు సాక్ష్యంగా ఉన్నందున ఇది ఒక ముఖ్యమైన చారిత్రక ప్రాముఖ్యత కలిగిన ప్రదేశం.
‘బోనిన్ దీవులు’ అని కూడా పిలువబడే ఒగసవర ద్వీపం గొలుసు, 30కి పైగా ద్వీపాలతో కూడిన అగ్నిపర్వత ఆర్చ్ ను కలిగి ఉంది. వాటిలో కొన్ని అగ్నిపర్వతాలు క్రియాశీలంగా ఉంటాయి. ఈ ప్రాంతంలో గతంలో ద్వీపం ఏర్పడిన సంఘటన 2013లో జరిగింది. ఇది నీటి అడుగున మరొక అగ్నిపర్వతం విస్ఫోటనం నుండి ఉద్భవించింది.
సముద్రపు అలలు మరియు ప్రవాహాల ద్వారా కోతకు గురయ్యే సున్నితమైన అగ్నిపర్వత శిలల కూర్పు కారణంగా, ఈ కొత్త ద్వీపం ఏర్పడింది. అయితే ఈ ద్వీపం శాశ్వత ఉనికిని కలిగి ఉండకపోవచ్చని నివేదికలు చెప్తున్నాయి. ఎందుకంటే, ఈ ప్రదేశంలోని లావా ఆ ప్రాంతాన్ని కవర్ చేస్తేనే, ఆ భాగం శాశ్వతంగా ఉంటుందని… లేదంటే కష్టమని చెప్తున్నారు. 2013లో ఏర్పడిన ద్వీపం ఇలానే చివరికి ఒగాసవారా గొలుసులో ఉన్న నిషినోషిమాతో కలిసిపోయింది. మరి ఈ సరికొత్త ద్వీపం శాశ్వతంగా ఉంటుందో… లేదో వేచి చూడాలి.
చివరి మాట:
వాల్కెనో ఎరప్షన్ ద్వారా ఏర్పడ్డ ఐలాండ్స్ జపాన్ కి కొత్తేమీ కాకపోయినప్పటికీ, ఐలాండ్ల గొలుసుతో జపాన్ సముద్రం మాత్రం సరికొత్త భూభాగాన్ని సంతరించుకొంది.