Abhinandan Varthaman Awarded Vir Chakra

అభినందన్ వర్ధమాన్‌కి వీరచక్ర పురస్కారం (వీడియో)

ఇండియన్ ఎయిర్ ఫోర్స్ గ్రూప్ కెప్టెన్ అభినందన్ వర్ధమాన్‌… రాష్ట్రపతి రామ్‌నాథ్ కోవింద్ చేతులమీదుగా ఈరోజు వీరచక్ర పురస్కారాన్ని అందుకున్నారు. ఇండియన్ ఆర్మీలో సేవలందిస్తున్న అభినందన్… బాలాకోట్​ లో జరిగిన వైమానిక దాడుల్లో… పాక్​ ఆర్మీతో వీరోచితంగా పోరాడారు.  ఈ కారణంగా అభినందన్‌ వీరచక్ర పురస్కారాన్ని అందుకొన్నారు. గతంలో కూడా పాకిస్తానీ వాయు చొరబాట్లను అడ్డుకొన్నందుకు శౌర్య చక్ర పురస్కారాన్ని అందుకున్నారు.  

2019, ఫిబ్రవరి 26న, బాలాకోట్‌లోని జైష్-ఎ-మహ్మద్ శిక్షణా శిబిరంపై ఇండియన్ ఆర్మీ వైమానిక దాడి చేసింది. ఫిబ్రవరి 27న, LOC వద్ద F-16, F-17 పాక్ యుద్ధ విమానాలని గ‌మ‌నించాడు. ఏదో ముప్పు రాబోతుందని ఊహించాడు. ఎంతో సాహ‌సోపేతంగా, చాలా చాక‌చ‌క్యంగా త‌న దగ్గర ఉన్న మిస్సైల్‌తో ఆ విమానాలని కూల్చేశాడు.

F-16 ఎయిర్‌క్రాఫ్ట్‌తో డాగ్‌ఫైట్ చేస్తున్నప్పుడు, అభినందన్ యొక్క MiG-21 బైసన్ విమానం POK లో కుప్పకూలింది. వెంటనే, ప్యారాచూట్ సహాయంతో పాక్ లో ల్యాండ్ అయ్యాడు. అది గమనించిన పాకిస్తాన్ ప్రజలు అతనిపై దాడి చేశారు. ఈ విషయం తెలుసుకున్న పాక్ దళాలు అభినందన్‌ ని బంధించి, కళ్లకు గంతలు కట్టి వారి సైనిక స్థావరానికి తీసుకువెళ్ళారు. ఆ తర్వాత ఆయన్ని పాక్ ఆర్మీ చిత్రహింసలు పెట్టిన వీడియో కూడా ఒకటి రిలీజ్ చేశారు. చివరికి భారత దౌత్యవేత్త ఒత్తిడితో అతనిని విడుదల చేశారు. ఆయన చేసిన ఈ వీరోచిత పోరాటానికి గుర్తుగా భారత ప్రభుత్వం అభినందన్‌ ని వీర చక్ర పురస్కారంతో సత్కరించింది.

 

Leave a Comment

Your email address will not be published. Required fields are marked *

Scroll to Top