Saturday, September 24, 2022
spot_img

‘నాటు నాటు’ పాటకి పునీత్ స్టెప్పులేస్తే… ఎలా ఉంటుందో చూడండి! (ఫ్యాన్‌ మేడ్‌ వీడియో)

టాలీవుడ్ మోస్ట్ ఎవైటెడ్ మూవీ ‘ఆర్ఆర్ఆర్’. ఇప్పుడు ఎవరినోట విన్నా… అందులోని ‘నాటు నాటు’ పాట గురించే! దర్శకధీరుడు రాజమౌళి అత్యంత ప్రతిష్ఠాత్మకంగా రూపొందిస్తున్న ఈ మూవీలో యంగ్ టైగర్ ఎన్టీఆర్, మెగాపవర్‌ స్టార్‌ రామ్‌ చరణ్‌ హీరోలుగా నటిస్తున్న సంగతి తెలిసిందే! 

అయితే, ఈ చిత్రంలో రీసెంట్ గా రిలీజైన ‘నాటు నాటు’ సాంగ్ యూట్యూబ్ ని ఒక ఊపు ఊపింది. సెలెబ్రిటీల నుండి కామన్ పీపుల్ వరకు… చివరికి వృద్ధులకి సైతం తెగ నచ్చేసింది. అది ఎంతలా అంటే… ఒక బామ్మ ఈ పాటకి తన స్టైల్ లో స్టెప్పులేసి అదరగొట్టింది. ఆ వీడియో కాస్తా వైరల్ అయ్యింది. 

ఇప్పటివరకు ఈ సాంగ్ 10 మిలియన్లకి పైగా వ్యూస్‌ రాబట్టింది. ఈ సాంగ్ కి కీరవాణి మ్యూజిక్ అందించ‌గా, చంద్రబోస్‌ లిరిక్స్ అందించారు. కాలభైరవ, రాహుల్‌ సిప్లిగంజ్‌ కలిసి ఈ సాంగ్ ని ఆలపించారు. ఇక ఈ సాంగ్ లో తారక్‌, చరణ్‌ వేసిన మాస్‌ స్టెప్పులకి నెటిజన్లు ఫిదా అయిపోయారు.

ఇదిలా ఉంటే, కన్నడ పవర్ స్టార్ పునీత్ రాజ్ కుమార్ అభిమాని ఒకరు ఈ సాంగ్ గురించి కొంచెం క్రియేటివ్ గా ఆలోచించారు. అసలే పునీత్ మంచి డ్యాన్సర్ కావటంతో… ఈ పాటకి పునీత్ డ్యాన్స్ చేస్తే ఎలా ఉంటుంది? అనే ఆలోచన వచ్చింది. రీసెంట్ గా పునీత్ కార్డియాక్ అరెస్ట్ అయి చనిపోయిన విషయం తెలిసిందే! ఆ బాధనుండీ అభిమానులు ఇంకా కోలుకోలేదు. ఈ నేపద్యంలోనే పునీత్ వేసిన ఓల్డ్ డ్యాన్స్‌ స్టెప్పులకి… న్యూ నాటు నాటు సాంగ్ ని మిక్స్ చేసి… ఓ వీడియో  రీక్రియేట్‌ చేశాడు. ఈ సాంగ్ కి కన్నడ వెర్షన్ మాషప్‌ని  రూపొందించాడు. ఎంతో మురిపెంగా రూపొందించిన ఆ వీడియో సోషల్ మీడియాలో పోస్ట్ చేశాడు. ఈ వీడియో ఇప్పుడు నెటిజన్లని విపరీతంగా ఆకట్టుకుంటుంది. మీరు కూడా ఆ సాంగ్ పై ఓ లుక్కేయండి.

 

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,494FollowersFollow
0SubscribersSubscribe
- Advertisement -spot_img

Latest Articles