న్యూ ఇయర్ కౌంట్ డౌన్ స్టార్ట్ అయింది. ఊరంతా కొత్త సంవత్సరాన్ని స్వాగతిస్తూ… ఆనందోత్సాహాలతో మునిగి తేలుతున్నారు. కానీ, కొంతమంది యువకులు మాత్రం ఫుల్ గా తాగేసి రచ్చ రచ్చ చేశారు. అంతేకాదు, మద్యం మత్తులో కారు నడుపుతూ ఓ అపార్ట్ మెంట్ ని గుద్దేశారు. ఇదంతా జరిగిందే వేరేక్కడో కాదు, హైటెక్ సిటీలోనే!
డిసెంబర్ 31 నైట్ హైదరాబాద్‌లోని వనస్థలిపురంలో ఆంధ్రకేసరి నగర్ లో ఓ కారు బీభత్సం సృష్టించింది. న్యూ ఇయర్ ని ఎంజాయ్ చేస్తూ… ఫుల్ గా తాగేసి… డ్రంక్ అండ్ డ్రైవ్ నిర్వహించారు. కారు అదుపుతప్పి ప్రమాదవశాత్తూ ఓ అపార్ట్మెంట్ గోడని బలంగా ఢీకొట్టింది. అనంతరం ఆ కారు రోడ్డుపై కొన్ని పల్టీలు కొట్టింది.
లక్కీగా ఆ కారులో ఉన్న వారికి ఎవరికీ పెద్దగా గాయాలు కాలేదు. అయితే, ప్రమాదానికి కొద్ది నిముషాల ముందే అపార్ట్మెంట్ లో నివసించే మహిళలు, చిన్నారులు ఆ గోడ దగ్గరే నిలబడి ఉన్నారట. అప్పుడే వారు లోపలికి వెళ్లడం… ఇంతలో కారు ఆ గోడని గుద్దుకోవడం రెండూ ఒకేసారి జరిగాయి. ఈ యాక్సిడెంట్ దృశ్యాలన్నీ సీసీ కెమెరాల్లో రికార్డయ్యాయి.